Արցախի Հանրապետությունում սեպտեմբերի 27-ին՝ ժամը 11:00-ին, կհայտարարվի լռության րոպե՝ ի հիշատակ 2020 թվականի՝ Ադրբեջանի կողմից սանձազերծված 44-օրյա պատերազմի զոհերի։
Այս մասին հայտնում են Արցախի նախագահի աշխատակազմից։
Նշվում է, որ մեկ րոպե լռությունը հայտարարվելու է Հանրապետության ողջ տարածքով։
Նշվում է նաև, որ մինչ դա՝ ժամը 10:30-ին, Արցախի բոլոր գործող եկեղեցիներում կկատարվի հոգեհանգստի արարողություն։
