Արցախի Հանրապետության առողջապահության նախարարությունը հայտնում է՝ երեկ թեստավորված 9 քաղաքացիներից մեկի մոտ հաստատվել է կորոնավիրուսի վարակ: Վերջինս Քարվաճառում վարակված քաղաքացու կինն է, ով մինչ այս պահը ինքնամեկուսացված էր: Թեստի դրական պատասխանից հետո քաղաքացին մեկուսացվել է Շահումյանի շրջանի Քարվաճառի շրջանային բուժմիավորումում:
Քարվաճառի վարակված երկրորդ դեպքով անձի շրջանակը ճշտված է, նրա առողջական վիճակը գնահատվում է բավարար. կորոնավիրուսային վարակին բնորոշ ախտանիշներ չունի:
Քաշաթաղի բուժմիավորումում այսօր մեկուսացվել են Միրիկ համայնքից ևս երկու քաղաքացիներ, ովքեր այդ համայնքում վարակված քաղաքացու շփման առաջին շրջանակից էին:
Այս պահին մեկուսացված քաղաքացիների թիվը 12 է, այդ թվում՝ 4 վարակակիրները:
Կեղծ և չստուգված լուրերից խուսափելու համար, կրկին կոչ ենք անում հետևել պաշտոնական լրահոսին, որը ներկայացվում է Արցախի Հանրապետությունում ձևավորված նոր կորոնավիրուսի տարածման կանխարգելման աշխատանքները համակարգող միջգերատեսչական հանձնաժողովի տեղեկատվական շտաբի միջոցով:
https://www.facebook.com/NKR.MOH/posts/2555154248091134?__xts__[0]=68.ARA4xu7bXwrsCeh4jFjrrFDt8u7rusSoSdaC5Bx3BN7KPAUKyCZ8uTQNgpcIBz4nW3REJ05ea3dl68-Tt0x7qnRWRNC_xfPH1sisRoLbab_laAYdY5skUthop7yr6MDGbQOzmJqpcUsJHSB0eZ-nl3OKiIzECq7-KLUfHYk-b3rtBZCdzzc17JlHaBdd_fq6NJlIpbEWC_xtNY_JgRSUZIugW8aGS84A2sasKapD-6OEqJoaHWuuePdBhKMIahCa8lhbxyxhU34zMAwz2e0luNNScYbqYFrjYO8d3XoVQNyOVNiJ6Bdhk8HFR_j8G2bEZVydShzyvu4iY4ECdUf15z48VZ3NOaA7x3jFlQGDAGo157H_gUd5bnn-FsexTQ1OYy71ca8KkzKOgW-j4vbfYbFFeF1-eSeQqAaMmy_Kiy9a5PDkSJzVw9J9Y5CTYJ1-cqgAU9csyC0TYwM6WrqCAMqj6630N7LG5w_wS_lMDx-0pryKnKl0_jmMzA&__tn__=-R
