Հուլիսի 8-ին ՀՀ քննչական կոմիտեն հաղորդագրություն է տարածել և հայտնում է, որ Առինջ համայնքի նախկին ղեկավարը մեղադրվում է պաշտոնեական լիազորություններն անցնելու մեջ։ Հաղորդագրության մեջ ասվում է․
«ՀՀ քննչական կոմիտեի Կոտայքի մարզային քննչական վարչությունում քննվող քրեական գործով Առինջ համայնքի նախկին ղեկավարին մեղադրանք է առաջադրվել՝ ՀՀ քրեական օրենսգրքի 309-րդ հոդվածի 1-ին մասով:
- ՔԿ-ն պարզաբանել է իր աշխատակցի մասնակցությամբ միջադեպի որոշ հանգամանքներ
- Արմեն Չարչյանին հիվանդանոցից տեղափոխել են Վարդաշեն ՔԿՀ. պաշտպան
Քննությամբ պարզվել է, որ վերջինս, տեղյակ լինելով Առինջ համայնքի բնակիչների միջև առկա տարածքային վեճի մասին, ակնհայտորեն դուրս է եկել իր լիազորությունների շրջանակից և դիտավորությամբ որոշում է կայացրել՝ բնակիչներից մեկի սեփականության իրավունքները վերականգնելու մասին, որի արդյունքում իրականացվել է սեփականության իրավունքի պետական գրանցում, ինչի արդյունքում էական վնաս է պատճառվել տարածքային վեճի մյուս կողմին»: