ՔՊ-ի անդամ Արման Դավթյանն անդամագրվել է Հայրենիք կուսակցությանը

ՔՊ-ի հիմնադիր անդամներից Արման Դավթյանը գրառում է կատարել Facebook-ում: Նա հայտնում է, որ որոշել է անդամակցել «Հայրենիք» կուսակցությանը։

«Որոշում եմ կայացրել անդամակցել «Հայրենիք» կուսակցությանը։ Հանդիսացել եմ ներկայումս իշխանության ղեկին գտնվող ՔՊԿ-ի հիմնադիր անդամ (մինչև զինվորական ծառայության անցնելը) և այսպես կոչված «հեղափոխության» համակիրներից (չշփոթել «զոմբիի» հետ)։

Բայց….

Հիմա չեմ ուզում նշել հիասթափությանս պատճառները, քանի որ դրանք տասնյակներ են, եթե ոչ հարյուրներ, և բոլորս քաջատեղյակ ենք։

Համոզված եմ, որ «Հայրենիք» կուսակցությունն այն նոր և կարող քաղաքական ուժն է, որը ժողովրդի աջակցությամբ ի վիճակի է վերջ դնել ներկայիս իշխանությունների հակապետական և ապազգային գործունեությանը։

Նշեմ նաև, որ գործունեությունս ծավալելու եմ Արարատի մարզային գրասենյակում»,-գրել է Արման Դավթյանը:

https://www.facebook.com/arman.davtyan.54/posts/3424461377614152