Այսօր լրագրողների հարցերին պատասխանելիս ԵԿՄ նախագահ, ԱԺ պատգամավոր Սասուն Միքայելյանը, վերահաստատելով նախկինում արված իր արտահայտությունը, ևս մեկ անգամ կրկնեց․ «ԱԱԾ նախկին տնօրեն Արթուր Վանեցյանն իմ ընկերն է»:
«Ասել եմ, որ Արթուր Վանեցյանն իմ ընկերն է, նորից եմ ասում, որովհետև ես գայլային օրենքներով չեմ շարժվում, գայլերի մեջ, եթե մեկից արյուն է դուրս գալիս, բոլորը խեղդում են նրան», – ասաց Միքայելյանը:
Նա նաև հավելեց, որ նույնն ասել է նաև Դավիթ Սանասարյանի մասին:
