Քաղաքագետ Սուրեն Սուրենյանցը Facebook-ի իր էջում խոսել է Ռուսաստան-Արևմուտք հակամարտությունից։
- Միրզոյանը հանդիպում է ունեցել Լյուքսեմբուրգի Պատգամավորների պալատի նախագահի հետ (ՏԵՍԱՆՅՈՒԹ)
- վրոպայի խորհրդում ՀՀ-ի մշտական ներկայացուցիչը հանդիպել է Բյորն Բերգեի հետ
«Այսպիսի ճգնաժամ չենք տեսել երկրորդ համաշխարհային պատերազմից հետո։
ԱՄՆ-ն ու ՆԱՏՕ-ն պաշտոնապես պատասխանել են անվտանգության երաշխիքների մասին ռուսական երաշխիքներին։ Ավելորդ է ասել, որ գլոբալ անվտանգության հարցում Մոսկվայի ու Արևմուտքի պատկերացումները, մեղմ ասած, արմատապես տարբերվում են։
Աշխարհը կանգնած է գլոբալ մարտահրավերի առաջ, թերևս` միջազգային հարաբերություններում այսպիսի ճգնաժամ չենք տեսել երկրորդ համաշխարհային պատերազմից հետո։
Էսկալացիան ու կողմերի հռետորաբանությունը մոտեցնում են ռազմական բախումը` չնայած, որ դեռևս պահպանվում են ճգնաժամի հանգուցալուծման դիվանագիտական ռեսուրսները։
Այս ամենի համատեքստում նոր մարտահրավերներ են հասունանում Հայաստանի համար, որ մի կողմից, որպես ՀԱՊԿ անդամ կարող է դառնալ հակամարտության կողմ` ոչնչացնելով արտաքին քաղաքականության մանևրի վերջին ռեսուրսները, մյուս կողմից` իր վրա կարող է կրել տարածաշրջանային նոր լարվածության հետևանքները, որովհետև, ի վերջո, անվտանգության գլոբալ ճգնաժամի միակ թատերաբեմը հաստատապես Ուկրաինան չէ ու կրակի բոցն անխուսափելի հասնելու է նաև մեր տարածաշրջան։
Խաղաղություն աշխարհին ու մեր տարածաշրջանին», – գրել է Սուրենյանցը։
