«Հայելի» ակումբի հյուրերն էին «Ազգային Առաջընթաց» կուսակցության առաջնորդ Լուսինե Հարությունյանը և նույն կուսակցության անդամներ Հայկ Գրիգորյանը և Հայկ Փատյանը, որի մասին հայտնում է A1+ը։
«Ազգային առաջընթաց» կուսակցությունը ընտրություններին մասնակցում է նոր քաղաքական մշակույթի ձևավորման մասնակիցը դառնալու համար։ Կուսակցության առաջնորդ Լուսինե Հարությունյանի խոսքով՝ ընտրություններին մասնակցելը ինքնանպատակ չէ. «Մենք շարունակելու ենք մեր գործունեությունը, մենք ակտիվ մասնակցել ենք շարժումներին և յուրաքանչյուրս մեր ոլորտում ակտիվ ենք եղել»։
Նրա խոսքով՝ կուսակցության շատ անդամներ եղել են հիմանդիր խորհրդարանի կազմում։ Կուսակցության անդամ Հայկ Գրիգորյանի գնահատմամբ՝ ԲՀԿ-ն , «Լուսավոր Հայաստանը», «Մենք» դաշինքը , ՀՅԴ-ն, ՕԵԿ-ը իրավունք չունեն իրենց հեղափոխական կոչել, քանի որ այդ ուժերի ներկայացուցիչները սեղմել են Սերժ Սարգսյանի ձեռքը։
