Ջոզեֆ Բայդենը, ով Դեմոկրատական կուսակցության առաջիկա համագումարում պատվիրակների բավարար թվով ձայներ է ստացել պետության ղեկավարի ընտրություններում թեկնածու առաջադրվելու համար, երեքշաբթի հաղթել է Նյու Յորք և Կենտուկի նահանգներում անցկացված փրայմերիզում:
Նյու Յորք նահանգում քվեաթերթիկների մշակումը չի ավարտվել: Պարբերականի հաշվարկներով՝ Բայդենն այս նահանգում ստացել է ընտրողների ձայների 66,2 տոկոսը, իսկ սենատոր Բեռնի Սանդերսը, որը ապրիլի 8-ին դուրս էր եկել նախընտրական մրցապայքարից, ձայների 19,3 տոկոսը: Սանդերսի կողմից նախընտրական պայքարը դադարեցնելուց հետո Բայդենն, ըստ էության, մրցակիցներ չունի, սակայն ավելի վաղ մրցապայքարին մասնակցած մի քանի քաղաքական գործիչների անունները նախկինի պես նշված են քվեաթերթիկներում:
Հայտնենք, որ ԱՄՆ նախագահի 59-րդ ընտրությունները տեղի են ունենալու նոյեմբերի 3-ին:
Այս մասին հայտնում է The New York Times-ը: