Մադրիդի «Ռեալի» պաշտպան Ռաֆայել Վարանն Իսպանիայի Գավաթի խաղարկության կիսաեզրափակիչ փուլի՝ «Բարսելոնայի» հետ պատասխան հանդիպումից հետո Instagram-ում հրապարակել է վնասված ոտքի լուսանկարը:
25-ամյա ֆրանսիացին վնասվածք է ստացել երկրորդ գոլի դրվագում, երբ փորձում էր «փակել» Դեմբելեի փոխանցումը, բայց արդյունքում դարձավ ինքնագոլի հեղինակ:
Վնասվածքի լրջության վերաբերյալ տեղեկատվություն չի հաղորդվում:
Հիշեցնենք, որ կիսաեզրափակիչ փուլի առաջին խաղում գրանցվել էր 1:1 հաշիվը, իսկ պատասխան խաղում «Բարսելոնան» 3:0 հաշվով հաղթանակ տոնեց և դուրս եկավ եզրափակիչ:
Հաղորդում է armsport.am-ը։