«Մոսկվայի «Լոկոմոտիվի» ներկայացուցիչների հետ անձամբ եմ խոսել Էրիկ Վարդանյանի տրանսֆերի հետ կապված։ Որոշել ենք այդ հարցին ձմռանը վերադառնալ»։ Այս մասին այսօր լրագրողների հետ կայացած հանդիպման ժամանակ ասաց «Փյունիկ» ՖԱ-ի նախագահ Արթուր Սողոմոնյանը։
«Հույս ունեմ, որ կստացվի մեզ մոտ: Մենք վատ սկսեցինք, խառնաշփոթ էր գործակալների հետ կապված:
Էրիկի ծառայություններով հետաքրքրած էին նաև չեխական «Յաբլոնեցը», ռուսական այլ երկու ակումբներ: Ես հույս ունեմ, որ Էրիկը կհասնի իր մակարդակին և ձմեռային տրանսֆերային պատուհանի ժամանակ նրանով հետաքրքվողներ կլինեն: Մենք հասկանում ենք, որ դա կորուստ կլինի մեզ համար, բայց ես երջանիկ կլինեմ, եթե նա առաջ գնա ու լավ ակումբում շարունակի իր կարիերան» – նշել է Սողոմոնյանը:
Հիշեցնենք, որ ամառային տրանսֆերային պատուհանի ժամանակ Էրիկ Վարդանյանը մոտ էր «Լոկոմոտիվ» տեղափոխվելուն, սակայն գործարքը վերջին փուլում ձախողվել էր: