«Փյունիկը» հյուրընկալել է «Արարատին» Հայաստանի Բարձրագույն խմբի առաջնության 12-րդ փուլում։
Էրիկ Վարդանյանը, հանդիպման 67-րդ րոպեին, մրցակցին հարվածելու, և մրցավար Հենրիկ Նալբանդյանի հետ բախվելու համար կարմիր քարտ է ստացել:
Վարդանյանը միջնամատ է ցույց տվել «Արարատի» երկրպագուների ուղղությամբ հանդերձարան հեռանալիս, որից հետո երկրպագուները միջև հրմշտոց է սկսվել։ Բախումները կանխվել են ոստիկանության աշխատակիցների կողմից:
Նշենք՝ «Փյունիկի» գլխավոր մարզիչ Ալեքսանդր Տարխանովը առողջական խնդիրների պատճառով բացակայում էր. գլխավոր մարզչի պարտականությունները կատարում էր Սուրեն Չախալյանը:
Այս հաղթանակից հետո «Արարատն» իր միավորների թիվը հասցրեց 25-ի ու գլխավորում է Բարձրագույն խմբի մրցաշարային աղյուսակը՝ «Շիրակի» հետ ունենալով հավասար միավորներ: «Փյունիկը» 13 միավորով 7-րդն է:
