ՊՍԺ-ի հարձակվող Լիոնել Մեսսին մեկնաբանել է Չեմպիոնների լիգայի խմբային փուլի երկրորդ տուրում «Մանչեսթեր Սիթիի» նկատմամբ տարած հաղթանակը:
Մեսսին նշել է, որ «Մանչեսթեր Սիթին» հիանալի մրցակից է:
«Մեզ համար շատ կարևոր էր հաղթել «Բրյուգեի» հետ ոչ-ոքիից հետո: Երջանիկ եմ, որ գոլ խփեցի: Վերջերս ես չէի կարող խաղալ, և ինձ համար սա միայն երկրորդ հանդիպումն է այս մարզադաշտում: Ես հարմարվում եմ նոր թիմին:
Որքան հաճախ մենք՝ հարձակվողներս, միասին խաղանք, այնքան ավելի լավ կլինի մեր խաղակցվածությունը: Միասին մենք պետք է առաջադիմենք, բարելավվենք և շարունակենք ցուցադրել մեր լավագույն խաղը»,-ասել է ֆուտբոլիստը։
Այս մասին տեղեկանում ենք ՈՒԵՖԱ-ի մամուլի ծառայությունից:
Հիշեցնենք, որ «Պարկ դե Պրենս» մարզադաշտում կայացած հանդիպումն ավարտվեց 2-0 հաշվով` հօգուտ ֆրանսիական ակումբի: ՊՍԺ-ի կազմում իր առաջին գոլը խփեց Մեսսին:
