Աշխարհ

ՄԱԿ-ի գլխավոր քարտուղար Անտոնիու Գուտեռեշը հայտարարել է…

Միացյալ Նահանգները պետք է ճանաչեն բազմակողմանիության սկզբունքի կարեւորությունը միջազգային քաղաքականության բնագավառում: Նոյեմբերի 12-ին այս մասին հայտարարել է ՄԱԿ-ի գլխավոր քարտուղար Անտոնիու Գուտեռեշը France Inter ռադիոկայանի եթերում։

«Բազմակողմանիությունն անհրաժեշտ է հենց ԱՄՆ-ին: Արդի աշխարհում այլեւս միակ համաշխարհային տերություն չկա: Այն ավելի հատվածական եւ ավելի հավասարակշռված է դարձել, քան 90-ական թվականներին»,- ասել է Գուտեռեշը: «ԱՄՆ-ի հետ մեկտեղ կան այնպիսի տերություններ, ինչպիսիք են Չինաստանը, Ռուսաստանը, Հնդկաստանը: Կան նաեւ տարածաշրջանային տերություններ, ինչպիսիք են Թուրքիան, Իրանը, Սաուդյան Արաբիան: Ուստի բազմակողմանիությունը բոլորի օգտին է»,- նշել է ՄԱԿ-ի գլխավոր քարտուղարը:

Նրա կարծիքով՝ «անհրաժեշտ է աշխատել միջազգային ինստիտուտների բարենորոգումների վրա»: ՄԱԿ-ը, ինչպես նշել է Գուտեռեշը, «պետք է ավելի մոտ կանգնի ժողովուրդներին, խոսի քաղաքացիական հասարակության հետ»։

ԱՄԵՆԱԴԻՏՎԱԾՆԵՐԸ

ՎԵՐ