ՀՀ ոստիկանությունը հայտնել է, որ մարտի 15-ին՝ ժամերի տարբերությամբ, հիվանդանոցից ոստիկանություն ահազանգեր էին ստացվել, որ հրազենային վնասվածքներով բուժօգնության են տեղափոխվել Քաղսի գյուղի բնակիչներ 36 և 27 տարեկան տղամարդիկ։
«Հրազդանի բաժնից մեկնած օպերատիվ խումբը պարզել էր, որ տուժողները վնասվածքները ստացել էին Երևան-Սևան ճանապարհի 39-րդ կիլոմետրին գտնվող հացատանը:
Դեպքի առթիվ տարածքային քննչական մարմնում հարուցվել էր քրեական գործ։
- Ոստիկանություն Կալաշնիկովի գնդացիրներ և ինքնաձիգներ են հանձնել (ՏԵՍԱՆՅՈՒԹ)
- Ոստիկանությունը որպես անհետ կորած որոնում է Ասյա Օհանյանին (ՏԵՍԱՆՅՈւԹ)
ՔՈԳՎ, Կոտայքի մարզային վարչության և Հրազդանի բաժնի ծառայողների համատեղ ձեռնարկած օպերատիվ-հետախուզական միջոցառումների, ինչպես և քննչական գործողությունների արդյունքում պարզվել է, որ մարտի 15-ին՝ ժամը 18:00-ի սահմաններում, հացատան խոհանոցում Հրազդան քաղաքի 46-ամյա բնակիչն իր մոտ ապօրինի պահվող ատրճանակից կրակոցներ է արձակել տուժած տղամարդկանց ուղղությամբ:
Մարտի 30-ին տղամարդը ներկայացել է դեպքի նախաքննությունն իրականացնող մարմին:
Նրան մեղադրանք է առաջադրվել։
Ձեռնարկվում են միջոցառումներ՝ հանցագործության գործիքը հայտնաբերելու ուղղությամբ:
Նախաքննությունը շարունակվում է»,- ասվում է հաղորդագրության մեջ: