Երեկ` ապրիլի 7-ին, Հայաստանի Հանրապետությունում ԱՄՆ դեսպան Լին Թրեյսին հանդիպել է «Քաղաքացիական պայմանագիր» խմբակցության պատգամավորների հետ։
Այս մասին տեղեկանում ենք ՀՀ-ում ԱՄՆ դեսպանության Facebook-ի էջից։
- Միրզոյանն ու Լավրովը փաստաթուղթ են ստորագրել
- Աթենքում Եղոյանը հանդիպել է հույն պատգամավորին․ քննարկվել է Արցախում ստեղծված իրադրությունը
«Դեսպանն ընդգծեց ընդհանուր արժեքների վրա հիմնված երկկողմ փոխգործակցության ամրապնդման շուրջ ՀՀ կառավարության հետ գործակցելու ԱՄՆ հանձնառությունը։
Դեսպանը նաև վերահաստատեց վերջին սադրիչ գործողությունների հետ կապված մտահոգությունները և փաստեց ԱՄՆ աջակցությունը բանակցություններին` ուղղված Լեռնային Ղարաբաղի հակամարտության խաղաղ, տևական կարգավորմանը», – ասված է տարածված հաղորդագրության մեջ։