fbpx
Սպորտ
16:30 19/07/2019

Հարբած Տրեզեգեն վիճել է ոստիկանների հետ

Հարբած Տրեզեգեն վիճել է ոստիկանների հետ

Ֆրանսիայի հավաքականի և «Յուվենտուսի» նախկին ֆուտբոլիստ Դավիդ Տրեզեգեն մեղադրվում է ոստիկաններին վիրավորելու մեջ: Նշենք, որ նա վերջերս զրկվել էր վարորդական իրավունքից Թուրինում ոչ սթափ վիճակում ավտոմեքենա վարելու պատճառով։

Ականատեսներից մեկը պատմել է, որ ոստիկանները կանգնեցրել են Տրեզեգեի մեքենան զիգզագաձև ընթանալու համար։ Ինչպես հայտնում է Gazzetta dello Sport-ը, ֆրանսիացին ի սկզբանե հրաժարվել է ալկոհոլի թեստից, ինչից հետո սկսել է վիրավորել ոստիկանության աշխատակիցներին:

«Դուք մուրացկաններ եք, ողորմելի շներ։ Դուք նույնիսկ 2000 եվրո չեք վաստակում», – ասել է Տրեզեգեն։

Այս պահին հայտնի չէ, թե ինչ ժամկետով է ֆրանսիացին զրկվել ավտոմեքենա վարելու իրավունքից։ Լեգենդար ֆուտբոլիստը նաև տուգանվել է։

Հավելենք, որ Տրեզեգեն երկար ժամանակ խաղացել է «Յուվենտուսում», որի կազմում դարձել է ակումբի պատմության ամենաարդյունավետ օտարերկրացին: Հանդես է եկել Ֆրանսիայի հավաքականում, որի կազմում դարձել է 1998 թվականի աշխարհի և 2000 թվականի Եվրոպայի չեմպիոն:

ՎԵՐՋԻՆ ԼՈւՐԵՐ

Վերեվ