Հանրապետությունը Հայաստանի Հանրապետության հետ համանախագահությամբ տեղի է ունեցել Բոլոնիայի գործընթացին հետամուտ խմբի (ԲԳՀԽ) հերթական նիստը։ Այն հյուրընկալել և համակարգել է Սլովենիան։
Այս մասին տեղեկանում ենք ԿԳՄՍ նախարարության պաշտոնական կայքից։
- ԿԳՄՍՆ և Ֆրանսիայի հայկական հիմնադրամի միջև կնքվել է փոխըմբռնման հուշագիր
- Հավանություն տրվեց Հանրակրթության մասին օրենքում փոփոխությանն ու լրացմանը
«Քովիդ-19 համավարակով պայմանավորված՝ նիստն անցկացվել է առցանց ձևաչափով: Այն համանախագահել են Սլովենիայի Հանրապետությունը՝ որպես հյուրընկալող երկիր, և Հայաստանի Հանրապետությունը: Վերոնշյալ երկու երկրները համատեղ ստանձնել են Բոլոնիայի գործընթացին հետամուտ խմբի համանախագահությունը 2021 թվականի հուլիսի 1-ից դեկտեմբերի 31-ն ընկած ժամանակահատվածի համար։ Համաձայն ԲԳՀԽ կանոնակարգի՝ Բոլոնիայի գործընթացը յուրաքանչյուր վեց ամիսը մեկ համանախագահում են ԵԲԿՏ անդամ հանդիսացող երկու երկրներ։
Նիստին մասնակցել են Բոլոնիայի գործընթացին հետամուտ խմբի ՀՀ ներկայացուցիչ անդամները: Հանդիպման մեկնարկին Սլովենիայի Հանրապետության կրթության, գիտության և սպորտի պետքարտուղար Միտյա Սլավինեչը և Հայաստանի Հանրապետության ԿԳՄՍ նախարարի տեղակալ Կարեն Թռչունյանը՝ որպես ԲԳՀԽ-ի համանախագահող երկրների ներկայացուցիչներ, հանդես են եկել ողջույնի խոսքով։
ՀՀ ԿԳՄՍ նախարարի տեղակալ Կարեն Թռչունյանի խոսքով՝ Հայաստանը կարևորում է իր անդամակցությունը Եվրոպական բարձրագույն կրթության տարածքին՝ հանդիսանալով Բոլոնիայի գործընթացի հետամուտ խմբի ակտիվ և լիիրավ անդամ։ Նա ներկայացրել է բարձրագույն կրթության և հետազոտության ոլորտում նախարարության ռազմավարական ուղղություններն ու հետագա ծրագրերը՝ կարևորելով ԵԲԿՏ-ի բարձրագույն կրթության, հետազոտության և նորարարության միջև կապերի ամրապնդմանն ուղղված ծրագրերը, և նշել, որ ներկայում Հայաստանը աշխատում է հետազոտական տարածքին լիարժեք ինտեգրվելու ուղղությամբ։
Նիստի ընթացքում ԲԳՀԽ-ի աշխատանքային կառուցվածքի խմբերը և խորհրդատվական անդամները ներկայացրել են ընթացքի մեջ գտնվող աշխատանքների վերաբերյալ տեղեկատվություն, իսկ Բոլոնիայի քարտուղարությունը՝ գործընթացի ներկայիս իրավիճակը», – ասված է պաշտոնական հաղորդագրության մեջ։
![](https://azat.tv/wp-content/uploads/2022/09/azattvlogoblack.png)