La Repubblica-ի հաղորդմամբ՝ Միլանի «Ինտերի» գլխավոր մարզիչ Անտոնիո Կոնտեն խարդախության զոհ է դարձել։
«Չելսիի» գլխավոր մարզիչի պաշտոնը զբաղեցնելու ընթացքում Կոնտեն խոշոր գումար է ներդրել մի նախագծում։ Մարզիչը 30 միլիոն եվրո է փոխանցել ֆինանսիստ Մասիմո Բոչիկիոյին և պետք է գումարը տոկոսներով հետ ստանար 2020թ․ հունիսին։
Սակայն հիմա Կոնտեն մնացել է առանց շահույթի։
Հետաքննության արդյունքում պարզվել է, որ Կոնտեն ստորագրել է կեղծ փաստաթղթեր։