«Ինտերի» գլխավոր մարզիչ Անտոնիո Կոնտեն Իտալիայի առաջնության 19-րդ տուրի խաղում մրցավարների հետ վիճելու համար որակազրկվել է և տուգանվել:
Կոնտեն կարմիր քարտ էր ստացել հանդիպման 91-րդ րոպեին մրցավարի հետ վիճելու համար։ Նա շարունակել էր վիճաբանությունը նաև հանդերձարան տանող միջանցքում։ Անտոնիո Կոնտեն բաց կթողնի երկու հանդիպում, կվճարի 20 հազար եվրո տուգանք։
Նշենք, որ «Ուդինեզեի» հետ այդ հանդիպումն ավարտվել էր 0։0 հաշվով։
Այս մասին տեղեկանում ենք ESPN-ից։