Մեղրի համայնքի ղեկավարի տեղակալ Արմեն Սամվելյանը հայտնել է, որ հրաժարականի դիմում է ներկայացրել Մեղրի համայնքի ղեկավար Մխիթար Զաքարյանը։
Զաքարյանը հրաժարականի դիմումը ներկայացրել է նաև այն պատճառով, որ պատրաստվում է վերցնել Ազգային ժողովի պատգամավորի մանդատը։
Մեր հարցին՝ արդյոք Զաքարյանի նկատմամբ ճնշումներ եղե՞լ են, փոխքաղաքապետն արձագանաքեց, որ նա իր կամքով է հրաժարական ներկայացրել։
Արմեն Սամվելյանը հայտնեց, որ ինքը նույնպես շուտով կհեռանա պաշտոնից, իսկ մինչև այդ նա կփոխարինի Մխիթար Զաքարյանին։
Այս մասին տեղեկանում ենք NEWS.am-ից։