fbpx
Իրավական
15:17 21/01/2020

Միջնորդություն ներկայացվեց Մանվել Գրգորյանին ուղարկելու Ֆրանսիա՝ բուժման համար

ԵԿՄ նախկին նախագահ, գեներալ Մանվել Գրիգորյանի պաշտպաններն այսօր՝ հունվարի 21-ին, դատարանին միջնորդություն ներկայացրին՝ նրան բուժման նպատակով Ֆրանսիա ուղարկելու վերաբերյալ։

Պաշտպան Լևոն Բաղդասարյանն ասաց, որ Մանվել Գրիգորյանի հարազատները կհոգան Ֆրանսիայում բուժվելու բոլոր ծախսերը:

«Շուրջ 20 տարի Ֆրանսիայի բժիշկները բուժել են Մանվել Գրիգորյանի շաքարային դիաբետը»,-հավելեց նա։

Պաշտպանները ներկայացրին նաև Ֆրանսիայի հիվանդանոցներից մեկի պրոֆեսորի գրությունը դատարանին։ Գրության մեջ ասվում էր, որ Մանվել Գրիգորյանը բուժման կարիք ունի Ֆրանսիայում, իսկ որպես պատճառ նշվում էին անվերահսկելի դիաբետը, սրտային և շնչառական անբավարարությունը։

Մեղադրող դատախազը առարկեց այդ միջնորդության դեմ։

«Որևէ փաստական տվյալ և հիմնավորում չկա, որ Մանվել Գրիգորյանը ներկայիս առողջական վիճակում չի կարող անհրաժեշտ բուժօգնություն ստանալ Հայաստանում»,-ընդգծեց նա։

Հիշեցնենք, որ հունվարի 15-ին ՀՀ դատախազության նախաձեռնությամբ, Երևան քաղաքի ընդհանուր իրավասության դատարանում, դատավոր Մնացական Մարտիրոսյանի նախագահությամբ, Գրիգորյանի խափանման միջոցի փոփոխման վերաբերյալ արտահերթ դատական նիստ հրավիրվեց ու Գրիգորյանն ազատ արձակվեց։

ՎԵՐՋԻՆ ԼՈւՐԵՐ

Վերեվ