Թուրքիայի Իզմիր քաղաքի դատախազությունը 176 սպայի կալանավորման հրաման է տվել, որոնց կասկածում են ընդդիմադիր իսլամական քարոզիչ Ֆեթուլլահ Գյուլենի կազմակերպության հետ կապերի մեջ։ Այս մասին հաղորդում է Anadolu գործակալությունը:
Նշվում է, որ Գյուլենի ենթադրյալ կողմնակիցների ձերբակալման գործողությունը կատարվում է Թուրքիայի 49 նահանգում: Կասկածյալների մեջ 108 գործող լեյտենանտներ և ավագ լեյտենանտներ կան, ինչպես նաև F-16 կործանիչների վեց օդաչու: Արդեն ձերբակալված է 115 մարդ:
Թուրքիայի իշխանությունները Գյուլենի կազմակերպությանը, որը նրանք անվանում են FETO (ֆեթուլլահականների ահաբեկչական կազմակերպություն), մեղադրում են 2016 թվականի հուլիսին պետական հեղաշրջման փորձին մասնակցության մեջ: