Ուղիղ 20 տարի առաջ՝ 2001 թվականի սեպտեմբերի 11-ին, ԱՄՆ-ում կատարվեց պատմության ամենաողբերգական հետևանքներով ահաբեկչական ակտը։ Նյու Յորքի Համաշխարհային առևտրի կենտրոնի երկու երկնաքերերի պայթեցումից զոհվեցին շուրջ 3000 անմեղ մարդիկ:
Այս մասին Facebook-ի իր էջում գրառում է կատարել ՀՀ ԱԺ նախագահ Ալեն Սիմոնյանը։
- Ալեն Սիմոնյանը հանդիպել է Ավստրիայի Ազգային խորհրդի նախագահի հետ
- Սեպտեմբերի 24-ին կգումարվի ԱԺ արտահերթ նիստ
«Հետահայաց կարող ենք արձանագրել, որ Ամերիկայի դեմ իրագործած ահաբեկչական ակտի կազմակերպիչների գաղափարական նպատակը տապալվեց։ 9-րդ ամսվա 11-րդ օրն ահաբեկչություն իրականացնողներին չհաջողվեց կոտրել 911 ծառայության հանդեպ քաղաքացիների վստահությունը։
Միացյալ Նահանգների ահաբեկչական դեպքերից հետո էլ՝ ցավոք ականատեսն ենք բազմաթիվ ահաբեկչությունների, անդառնալի մարդկային կորուստների։
Հայաստանը միացել է ահաբեկիչների դեմ պայքարի և աշխարհն առավել անվտանգ դարձնելու համաշխարհային օրակարգին։
Համընդհանուր չարիքի կանխարգելումն ու կանխումն առաջնահերթություն է։ Խոնարհվում ենք մարդկությանը պատուհասած աղետի անմեղ զոհերի հիշատակին», – գրել է Սիմոնյանը։
