Չինաստանի մայրաքաղաք Պեկինում կայանալիք 24-րդ ձմեռային օլիմպիական խաղերում Հայաստանը 4 դահուկորդ կներկայացնի:
Համապատասխան միավորների շնորհիվ ՕԽ-ին մասնակցելու իրավունք են ստացել դահուկավազորդներ Միքայել Միքայելյանը, Կատյա Գալստյանը, Անգելինա Մուրադյանը և լեռնադահուկորդ Հարություն Հարությունյանը:
Նշենք՝ օլիմպիական խաղերի ավանը բացվելու է հունվարի 27-ին: Հենց այդ օրվանից էլ Պեկինը պատրաստ կլինի ընդունելու մարզիկներին:
Օլիմպիական կրակի փոխանցումավազքի մեկնարկը տրվելու է փետրվարի 2-ին: Այն Աթենքից Պեկին է ժամանել հոկտեմբերի 20-ին:
Ձմեռային օլիմպիական խաղերը կայանալու են փետրվարի 4-20-ը, իսկ պարալիմպիկ խաղերը՝ մարտի 4-13-ը:
