Եռօրյա աշխատանքային այցով Հայաստանում է գտնվում Իրանի Իսլամական Հանրապետության գլխավոր դատախազ Մոհամմադ Ջաֆար Մոնթազերին, ով ԶԼՄ-ների հետ զրույցում ասաց, որ տարածաշրջանում վերջին իրադարձությունները ստիպում են ավելի զարգացնել Իրանի և Հայաստանի միջև եղած դիվանագիտական և քաղաքական կապերը։
Նա նշեց, որ Երկու երկրների համագործակցությունը պետք է լինի ամենաբարձր մակարդակի վրա, ու դրա նախապայմանները կան։
Նրա խոսքով՝ Հայաստանի և Իրանի համար ոչ մի կերպ հանդուժելի չեն երկրների սահմաններին նկատված ահաբեկիչները։
Իրանցի պաշտոնյան նշել է, որ ահաբեկիչները պետք է արագ անհետանան։
