Հայաստանի մարմնամարզության ֆեդերացիայի նախագահ Գագիկ Վանոյանը News Sport-ի հետ հարցազրույցում անդրադարձել է Նատալյա Ռոտենբերգին փոխնախագահի պաշտոնից հեռացնելու որոշումը։
Նա նշել է, որ այս որոշման նպատակը սպորտը քաղաքականությունից հեռու պահելն է։
Վանոյանը մանրամասնել է, որ Ռոտենբերգը ճնշումներ է գործադրել մարզիչների վրա, ուղղորդել նրանց դառնալ կուսակցության անդամ։
Նրա խոսքով՝ սա հիմնական պատճառն է ու ինքը կտրականապես դեմ է այս ամենին։
Վանոյանը ևս մեկ պատճառ է նշել՝ հեռացման համար։ Նա ասում է, որ ծնողներից հեռախոսահամարներ են ուզել ու առաջարկել միանալ «Գազպրոմ-Արմենիայում» գործող մարմնամարզության իրենց վճարովի խմբակին (ամսական 20 հազար դրամ)։