fbpx
Աշխարհ

Ռուսաստանը կարևորել է ՄԱԿ-ի ներգրավումը՝ ԼՂ հումանիտար աշխատանքների կատարման գործում

Ռուսաստանի արտաքին գործերի նախարարությունը հաղորդագրություն է տարածել և հայտնում է, որ Մոսկվան ՄԱԿ-ի Գլխավոր ասամբլեայի 76-րդ նստաշրջանում կարևորում է ղարաբաղյան հակամարտության գոտում իրավիճակի կայունացումը, ինչը ենթադրում է 2020-ի նոյեմբերի 9-ի և 2021-ի հունվարի 11-ի եռակողմ հայտարարությունների իրականացումը:

Մոսկվան դրա համար օգտակար է համարում ՄԱԿ-ի գործակալությունների ներգրավումը հումանիտար աշխատանքներին:

Նրանք նշել են, որ այդ գործողությունները պետք է համաձայնեցվեն Բաքվի և Երևանի հետ։

Ռուսական կողմն անդրադարձել է նաև աշխարհի տարբեր երկրներում միգրացիոն ճգնաժամերի հետևանքների հաղթահարման գործում ՄԱԿ-ի կենտրոնական համակարգող դերակատարմանը:

Մոսկվան նշել է, որ շահագրգռված է նաև տեղահանված անձանց ու փախստականներին Լեռնային Ղարաբաղ վերադարձնելու գործում ՄԱԿ-ի Փախստականների հարցերով գերագույն հանձնակատարի գրասենյակի ներգրավման հարցում:

Այս մասին տեղեկանում ենք 1lurer.am-ից:

ԱՄԵՆԱԴԻՏՎԱԾՆԵՐԸ

ՎԵՐ