Սլովենիայի առողջապահության նախարար Յանեզ Պոկլուկարան հայտարարել է՝ երկրում կորոնավիրուսային համաճարակի ավարտի մասին։
Սլովենիան սրանով դարձավ եվրոպական առաջին երկիրը, որը նման հայտարարություն է անում։
Նշվում է, որ Սլովենիան ունի 2 միլիոն բնակչություն։ Նրանցից 769248-ը ստացել են կորոնավիրուսի դեմ պատվաստանյութի առաջին դեղաչափը, իսկ 551906-ը ավարտել են պատվաստման գործընթացը։
Չնայած սրան՝ Սլովենիայում շարունակվում են գրանցվել քովիդի ոչ այդքան քիչ դեպքեր։ Օրինակ՝ վերջին օրվա ընթացքում այնտեղ արձանագրվել է 122 նոր դեպք։
Սլովենիայում շարունակվում են պահպանվել հակահամաճարակային որոշ կանոններ, այդ թվում՝ դիմակի կրումը։
