Փետրվարի 3-ին ավարտվող այս տարվա ձմեռային տրանսֆերային պատուհանը մեզ հնարավորություն է տալիս անդրադառնալ ֆուտբոլի պատմության մեջ տեղի ունեցած ամենաթանկարժեք և կարևոր տրանսֆերներին։ Այս տեղափոխությունները հաճախ փոխել են թիմերի ճակատագիրը, իսկ որոշ դեպքերում էլ սահմանել նոր ֆինանսական ստանդարտներ։ Ստորև ներկայացված է 10 ամենաթանկարժեք ձմեռային տրանսֆերների ցանկը։
Ֆիլիպե Կոուտինյո – 135 միլիոն եվրո (Բարսելոնա, 2018 թ.)
Բարսելոնան 135 միլիոն եվրո վճարեց Լիվերպուլին՝ Կոուտինյոյին ձեռք բերելու համար։ Սպասվում էր, որ բրազիլացին կփոխարինի Նեյմարին, բայց տեղափոխությունն արագ վերածվեց ֆուտբոլի պատմության մեջ ամենավատ գործարքներից մեկի։
Էնցո Ֆերնանդես – 121 միլիոն եվրո (Չելսի, 2023 թ.)
Աշխարհի առաջնության հաղթող Արգենտինայի հետ հաջողությունից հետո Ֆերնանդեսը դարձավ Չելսիի գլխավոր ձեռքբերումը 2023 թվականի հունվարին։ Լիսաբոնի «Բենֆիկա»-ին վճարված 121 միլիոն եվրոն նրան դարձրեց աշխարհի ամենաթանկարժեք կիսապաշտպաններից մեկը։
Վիրջիլ վան Դեյք – 84.65 միլիոն եվրո (Լիվերպուլ, 2018 թ.)
Լիվերպուլը վճարեց 84.65 միլիոն եվրո Սաութհեմփթոնին՝ Վան Դեյքի տրանսֆերի համար։ Հոլանդացի պաշտպանը դարձավ թիմի հենասյունը և վճռորոշ դեր խաղաց նրանց Չեմպիոնների լիգայի և Պրեմիեր լիգայի հաղթանակներում։
Դուշան Վլահովիչ – 83.5 միլիոն եվրո (Յուվենտուս, 2022 թ.)
Յուվենտուսը վճարեց 83.5 միլիոն եվրո՝ Վլահովիչին Ֆիորենտինայից ձեռք բերելու համար։ Նրա տրանսֆերն ընդգծեց իտալական ակումբների միջև տրանսֆերային մրցակցությունը։
Խվիչա Կվարացխելիա – 75 միլիոն եվրո (ՊՍԺ, 2025 թ.)
Խվիչա Կվարացխելիայի տպավորիչ ելույթները «Նապոլիի» կազմում ստիպեցին ՊՍԺ-ին վճարել 75 միլիոն եվրո՝ ուժեղացնելու իրենց Չեմպիոնների լիգայի հույսերը։
Օմար Մարմուշ – 75 միլիոն եվրո (Մանչեսթեր Սիթի, 2025 թ.)
Մանչեսթեր Սիթին մեծ գումարներ վճարեց՝ գնելով Մարմուշին, ով աչքի էր ընկել Բունդեսլիգայում։ Նրա տրանսֆերը դարձավ այս տարվա ձմեռային պատուհանի գլխավոր ձեռքբերումներից մեկը։
Միխայիլո Մուդրիկ – 70 միլիոն եվրո (Չելսի, 2023 թ.)
Ուկրաինացի վինգերը՝ Մուդրիկը, դարձավ տրանսֆերային պատուհանի գլխավոր լուրերից մեկը, երբ Չելսին գերազանցեց Արսենալին նրա համար պայքարում։
Այմերիկ Լապորտ – 65 միլիոն եվրո (Մանչեսթեր Սիթի, 2018 թ.)
Լապորտը «Ատլետիկից» տեղափոխվեց «Մանչեսթեր Սիթի»՝ դառնալով թիմի պաշտպանական գծի հիմնական ֆիգուրներից մեկը։
Բրունո Ֆերնանդես – 65 միլիոն եվրո (Մանչեսթեր Յունայթեդ, 2020 թ.)
Ֆերնանդեսի տեղափոխությունը Սպորտինգից դեպի Մանչեսթեր Յունայթեդ նոր շունչ հաղորդեց թիմին։ Նա արագորեն դարձավ թիմի առաջատարներից մեկը։
Գոնսալո Ռամոս – 65 միլիոն եվրո (ՊՍԺ, 2024 թ.)
Ռամոսը սկզբում վարձակալության հիմունքներով միացավ ՊՍԺ-ին «Բենֆիկայից», բայց արդեն 2024-ին նրա տրանսֆերը դարձավ մշտական։
