Հայտնի է, թե Թրյուդոն երբ կհայտարարի նոր կառավարության կազմը

Կանադայի վարչապետ Ջասթին Թրյուդոն նոր կառավարության կազմը կհայտարարի հոկտեմբերի 25-ին։

Այս մասին տեղեկանում ենք CBC հեռուստաալիքից։

Նշվում է, որ կառավարությունում նոր դեմքեր են հայտնվելու, իսկ նախկին կառավարությունից որոշ մարդիկ կլքեն իրենց պաշտոնը կամ էլ կանցնեն այլ աշխատանքի։

Ըստ աղբյուրի՝ Թրյուդոն մտադիր է պահպանել նախարարական կաբինետում գենդերային հավասարությունը։ Մասնավորապես՝ նա ցանկանում է Կանադայի պաշտպանության նոր նախարար նշանակել կին։