fbpx
Քաղաքականություն

ՀՀ֊ն ունի արտահերթ ընտրության պահանջարկ. Արման Բաբաջանյան

Ազգային ժողովի պատգամավոր Արման Բաբաջանյանը գրառում է կատարել Facebook֊ում, որում ասվում է.

Կես միլիարդ դրամ պետական փողի հափշտակության կատարումը կազմակերպելու համար մեղադրվող նախագահի պաշտոն զբաղեցրած անձը հարցազրույց է տալիս․․․

Անկարող, երկչոտ ու ամբարտավան իշխանության ու ինքզինք ընդդիմություն հռչակած մաֆիական և ահաբեկչական հակումներ ու անցյալ ունեցող կիսագողական, քրեաօլիգարխիկ հակապետական այս երկու բևեռների տեղապտույտը գնալով վտանգավոր է դառնում մեր պետականության գոյության համար։

Այս իրավիճակում Հայաստանի հանրությունն ունի ոչ թե արտահերթ ընտրության պահանջարկ, այլ առհասարակ ընտրության պահանջարկ: Ընտրությունը հանրային, պետական օգտակարության ամբողջական նշանակություն է ստանում, երբ ձեռք է բերում բովանդակային հատկանիշներ։ Հենց այս իմաստով՝ ընտրությունը խորքային առումով պետք է նշանակի նախևառաջ նորություն:

Հայաստանի քաղաքացիները քաղաքական բոլոր ուժերից պետք է պահանջեն նորություն, գաղափարական, ծրագրային նորարարություն: Նոր սերնդի, արդիական ժամանակների պատերազմներում ազգերը, պետությունները, ժողովուրդներն ու հասարակություններն զիջում, նահանջում են այն բանից հետո և այն պատճառով, որ զիջում են նոր սերնդի քաղաքականության ասպարեզում:

ԱՄԵՆԱԴԻՏՎԱԾՆԵՐԸ

ՎԵՐ