Ամերիկայի Միացյալ Նահանգներում 38-ամյա տղամարդու քթի մեջ ատամ է աճել։
Այս մասին հայտնում է Daily Mail-ը։
Նշվում է, որ տղամարդը երկար ժամանակ բողոքել է շնչառության հետ կապված խնդիրներից։ Հետո սարքավորմամբ հետազոտությունը ցույց է տվել, որ նրա քթանցքներից մեկի մեջ 14 միլիմետրանոց էկտոպիկ ատամ է աճել։
Ըստ աղբյուրի՝ տղամարդուն վիրահատել են ու հեռացրել ատամը։ Առանձնապես խնդիրներ չեն առաջացել ու վիրահատությունից որոշ ժամանակ անց տղամարդն արդեն կարողացել է շնչել նորմալ։
Նշվում է նաև, որ այս անոմալիան բժշկությանը հայտնի է, սակայն խիստ եզակի են դեպքերը։
