Ապրիլյանի մասնակից Հայկ Սեխլիյանը վերադարձավ Գերմանիայում բուժում ստանալուց հետո՝ դրական բուժական արդյունքներով։ Այս մասին իր Facebook-ի իր էջում գրել է ՀՀ առողջապահության նախարար Արսեն Թորոսյանը:
«Այսօր համոզվեցինք, որ Հայկը մեծ առաջընթաց ունի իր քայլելու հետ կապված, ողնաշարի խնդիրները կարծես թե լուծվել են, մի քանի խնդիր էր մնացել ոտքերի հետ կապված և հիմա քննարկում ենք մի սարքավորման ձեռքբերման մեխանիզմ, որն իրեն կօգնի ամբողջությամբ վերականգնել քայլքը»,-ասել է նախարարը և տեսանյութ հրապարակել:
