Արցախի տեղեկատվական շտաբի Facebook-ի էջում գրված է․
«Արցախի Հանրապետության առողջապահության նախարարությունից տեղեկացնում են, որ այսօր թեստավորված երեք քաղաքացիներից երկուսի թեստավորման արդյունքը եղել է դրական:
Նրանցից մեկն ապրիլի 7-ին հաստատված վարակակրի հարսն է, ով ապրիլի 2-ից արդեն ինքնամեկուսացվել էր: Երկրորդը ՀՀ-ից Արցախ մուտք գործած ՀՀ քաղաքացի է, որի անհատական քարտի լրացման ժամանակ պարզվել է, որ եկել է ռիսկային բնակավայրից: Այդ քաղաքացին ևս, մինչ թեստավորումը գտնվել է ինքնամեկուսացման մեջ, և առաջիկայում նրան տեղափոխելու են Հայաստանի Հանրապետություն:
Հաշվի առնելով այն հանգամանքը, որ հաստատված կորոնավիրուսի վարակով երկրորդ անձը, ունենալով Մոշաթաղ համայնքի գրանցում, մարտի 31-ին կայացած ընտրությունների օրը քվեարկել էր Միրիկի հարևան Մոշաթաղ համայնքում, այստեղ արդեն մի քանի օր է ուժեղացված ծառայություն են իրականացնում ԱՀ ԱՆ «Համաճարակաբանության և հիգիենայի կենտրոն» ՊՈԱԿ-ի Քաշաթաղի շրջանային բաժնի մասնագետները, իսկ գյուղի բնակիչները պատասխանատուների հորդորով ինքնամեկուսացվել էին իրենց առանձնատներում:
Իրականացվող աշխատանքների մասին լրացուցիչ տեղեկություններ կհաղորդենք ավելի ուշ:
Կեղծ և չստուգված լուրերից խուսափելու համար կրկին կոչ ենք անում հետևել պաշտոնական լրահոսին, որը ներկայացվում է Արցախի Հանրապետությունում ձևավորված նոր կորոնավիրուսի տարածման կանխարգելման աշխատանքները համակարգող միջգերատեսչական հանձնաժողովի տեղեկատվական շտաբի միջոցով»:
https://www.facebook.com/ArtsakhInformation/photos/a.104748431165946/124614605845995/?type=3&__xts__%5B0%5D=68.ARDvKuUl_AX92sK9facm9LfAIiAUR8tkMdJVCIs6Vu5tU5wrBehE2EvjyAQYM6EcrPIHQ3s2-71ol6r1n5N77uShwOypy6xOoWX5HntXqWgwqPd0Sa8Mn7yIXYDlASNp9zU3wmwkriIbQCyn7DE8zOWXYOLJvVMU4iH0srfVcMdREvsvocBjjGrKmHRjby0Or8KCgdbaDj_QD0AgrHqOG4jL2mcyOQbGiJPHEGSKm7ZCyWhKU2MtNo803fsEh2PYy7W3CaBPQysbeE48BbOMb7oO7QTPX3dAY6eCeJ6Pjum-87v6K2t9hkbm4NS66oj4WKpJLSoWI-lCYNJf8WacfQ4&__tn__=-R
