«Վիլյառեալի» նոր գլխավոր մարզիչ Կիկե Սետյենը խոստովանել է, որ «Բարսելոնան» դեռ չի վճարել իրեն ամբողջ աշխատավարձը։
«Դրա վրա մեծ ազդեցություն ունեցավ ֆինանսական ճգնաժամը։ Ես սա ասում եմ, քանի որ նրանք դեռ ամբողջությամբ չեն վճարել ինձ աշխատավարձը:
Միևնույն ժամանակ, ես չեմ պատրաստվում շտապեցնել ակումբին, պատրաստ եմ նրանց տալ այնքան ժամանակ, որքան անհրաժեշտ է: Ամեն ինչ լավ է», – մեջբերում է մասնագետին Mundo Deportivo-ն:
Հաղորդվում է, որ կողմերը պայմանավորվել են պայմանագիրը վաղաժամկետ խզելու համար դրամական փոխհատուցման շուրջ։ Կատալոնական ակումբը պետք է Սետյենին վճարի մոտ չորս միլիոն եվրո։
