ՊՍԺ-ի դարպասապահ Ջանլուիջի Բուֆոնի համար Չեմպիոնների լիգայի 1/8 եզրափակչի` «Մանչեսթեր Յունայթեդի» հետ առաջին խաղը դարձել է մրցաշարի հիմնական փուլերի 50-րդ խաղը, որում ինքը դարպասն անառիկ է պահել:
41-ամյա իտալացին այս մրցաշարում ընդհանուր առմամբ 121 հանդիպում է անցկացրել:
Այս ցուցանիշով Բուֆոնին շրջանցում են Էդվին վան դեր Սարը (51) և Իկեր Կասիլյասը (57):
ՄՅՈւ-ի և ՊՍԺ-ի միջև խաղը, հիշեցնենք, ավարտվել է փարիզյան թիմի` 2:0 հաշվով հաղթանակով:
Ընթացիկ մրցաշրջանում Բուֆոնը Չեմպիոնների լիգայում 4 հանդիպման է մասնակցել և բաց է թողել 3 գոլ: ՊՍԺ-«Մանչեսթեր Յունայթեդ» պատասխան հանդիպումը կկայանա մարտի 6-ին Փարիզում:
Հաղորդում է armsport.am-ը։
