Վերջին 17 տարիներին պաշտպանության բնագավառում հայ-ամերիկյան համագործակցությունը մշտապես զարգացում է ապրել:
Այդ մասին ասել է ՀՀ պաշտպանության նախարար Դավիթ Տոնոյանը՝ մարտի 11-ին ընդունելով ԱՄՆ նորանշանակ դեսպան Լին Թրեյսիին:
Նախարարը վստահություն է հայտնել, որ համագործակցության ընթացիկ նախագծերը կշարունակեն իրականացվել, կնախաձեռնվեն նոր նախագծեր, հաղորդում են ՊՆ-ից:
Հանդիպման ընթացքում քննարկվել են նաեւ տարածաշրջանային անվտանգությանը, Լեռնային Ղարաբաղի հակամարտության կարգավորման գործընթացին, ինչպես նաեւ Սիրիայում Հայաստանի մարդասիրական առաքելությանն առնչվող հարցեր:
Աղբյուրը՝ mediamax.am
