Հնդկաստանի Էլուրու քաղաքում գտնվող պոլիմերային հիմքով քիմիական գործարանում հրդեհ է բռնկվել, որի հետևանքով կան զոհեր ու վիրավորներ։
Այս մասին տեղեկանում ենք ANI գործակալության տարածած հաղորդագրությունից։
Նշվում է, որ հրդեհին զոհ է դարձել 6 մարդ, ևս 12-ը տուժել են ու տեղափոխվել հիվանդանոց։ Հրդեհի բռնկման պահին գործարանում եղել է 18 մարդ։
Ըստ աղբյուրի՝ հրդեհը տեղի է ունեցել բեռնարկղից տեղի ունեցած արտահոսքի պատճառով։
Նշվում է նաև, որ այժմ տեղում աշխատում են ոստիկաններն ու հրշեջները։