fbpx
Առողջապահություն
13:20 02/03/2020

Կորոնավիրուսի ախտորոշման 9 թեստի պատասխան հայտնի կլինի․ վարչապետ

Կորոնավիրուսով հիվանդացության նոր դեպք չկա Հայաստանում: Այս մասին այսօր՝ մարտի 2-ին, հայտարարել է ՀՀ վարչապետ Նիկոլ Փաշինյանը՝ ամփոփելով կորոնավիրուսի տարածումը կանխարգելող աշխատանքները համակարգող հանձնաժողովի նիստը:

«Այս պահի դրությամբ սպասում ենք 9 թեստի պատասխանի, դրանք լինելուն պես հանրությանը կտեղեկացնենք»,-հավելել է վարչապետը։

Նրա խոսքով՝ Հայաստանում կորոնավիրուսով միակ պացիենտը ջերմություն չունի։

«Այժմ նա սուր վարակիչ հիվանդությունների բժշկական կենտրոնում է: Ծաղկաձորի հյուրանոցում գտնվողների մոտ այս պահին որևէ ախտանշան ի հայտ չի եկել, ջերմություն, ինքնազգացողության հետ կապված խնդիրներ չունեն»,-ասել է նա։

Կառավարության ղեկավարը հորդորել է նաև հնարավորինս սահմանափակել ուղևորությունները դեպի Իտալիա, Թուրքիա:

«Պետք չէ խուճապային գնումներ կատարել, ճիշտ է՝ ունենք որոշ ապրանքների դեֆիցիտ, մասնավորապես՝ դիմակների, բայց այդ խնդիրն ամբողջ աշխարհում է: Պետք է աշխատենք, որ օբյեկտիվ գին լինի շուկայում դրանց համար: Նաև պետք է հասկանանք, որ ամբողջ աշխարհում դիմակների գները բարձրացել են, հետևաբար, նոր խմբաքանակի հայտնվելը շուկայում որոշակի գնի բարձրացում կարձանագրի»,-նշել է վարչապետը:

Կորոնավիրուսի տարածման համաշխարհային վիճակագրությանը իրական ժամանակում կարող եք հետևել այս էջում՝ azat.tv/coronavirus։

ՎԵՐՋԻՆ ԼՈւՐԵՐ

Վերեվ