Մադրիդի «Ռեալը» հաղթանակ է տարել «Բարսելոնա»-ի նկատմամբ Լա Լիգայի 26-րդ տուրի տնային խաղում, որը տեղի է ունեցել «Սանտյագո Բեռնաբեու» մարզադաշտում՝ ավարտվելով 2:0 հաշվով:
Ինչպես հայտնում է MisterChip Twitter-յան էջը, «արքայական» ակումբը միանգամից մի քանի ցուցանիշ է թարմացրել կատալոնացիների հետ դիմակայություններում:
Առաջին հերթին թիմը հավասարվել է «Բարսելոնայ»-ին կլասիկոներում տարած հաղթանակների քանակով (96): Ընդ որում, Իսպանիայի առաջնության շրջանակում «Ռեալն» ավելի հաճախ է հաղթել՝ 73-ը 72-ի դիմաց:
Մադրիդցիները նաև շրջանցել են «Բարսա»-ին Պրիմերայում խփած գոլերի քանակով՝ 6152-ը 6151-ի դիմաց:
«Ռեալը», վաստակելով 56 միավոր, Պրիմերայի բարձրացել է մրցաշարային աղյուսակի առաջին հորիզոնական: «Բարսելոնան» 55 միավորով 2-րդ տեղում է:
Հաջորդ տուրում «Ռեալը» հյուրընկալվելիս կմրցի «Բետիս»-ի հետ: Խաղը տեղի կունենա մարտի 8-ին: Իսկ «Բարսելոնան» տնային խաղ կանցկացնի «Ռեալ Սոսյեդադ»-ի հետ մարտի 7-ին:
