ԵՄ երկրները նախատեսում են Ջեյմս Բոնդի ոճով բունկեր կառուցել։ Այս մասին հայտնում Euobserver-ը։
Կառուցվող բունկերը կտեղակայվի ԵՄ խորհրդում։ Սա ԵՄ կառույցների ավելի լայն ջանքերի մի մասն է` գաղտնի հաղորդագրությունների, փաստաթղթերի և գաղտնի հանդիպումների անվտանգությունն ուժեղացնելու համար՝ լրտեսական և հաքերային բազմամյա արշավներից հետո:
Բունկերի ստեղծման առաջարկի նախագիծը ստիպել է կիբեռփորձագետներին և պաշտոնյաներին մտածել, թե ինչու ԵՄ-ն դեռ չի կառուցել նման անվտանգ հաստատություն:
«Ժամանակն է «կիբեռանվտանգության մեծ վերբեռնում անելու»,- հայտնել է Եվրոպական խորհրդարանի լիբերալ պատգամավոր և Նիդեռլանդների պաշտպանության նախարարության կիբեռանվտանգության քաղաքականության նախկին ղեկավար Բարտ Գրոտուիսը: «Բունկերը պետք է լինի նոր մտածողության և անկրթության շղարշը վերացնելու խորհրդանիշ, որի տակ եղել են ԵՄ կառույցները, երբ խոսքը վերաբերում է կիբեռլրտեսության սպառնալիքին»,- ասել է Գրոտուիսը:
Ինչպես նշում է EUobserver-ը, նոր օբյեկտը նաեւ «VIP-անձանց համար հարմարավետության համապատասխան մակարդակ» կապահովի։
ԵՄ պաշտոնյան ասել է, որ անվտանգ սենյակի ծրագիրը «ԵՄ հաստատությունների, կազմակերպությունների և գործակալությունների անվտանգությունն ու ճկունությունն ամրապնդելու ավելի լայն ջանքերի մի մասն է, որը համապատասխանում է անվտանգության աճող սպառնալիքները հաշվի առնելու անդամ պետությունների բազմաթիվ կոչերին»: