ՀՀ վարչապետ Նիկոլ Փաշինյանը այսօր ԱԺ ամբիոնից խոսեց կորոնավիրուսի դեմ Կառավարության վարած պայքարի մասին։
Նա նշեց, որ դեպքերը հայտնաբերվում են շատ էֆեկտիվ, որի ցուցիչն է թեստավորվածների թվի ու դրական պատասխանների համեմատությունը, որը հասել է 5-6 տոկոսի։
Փաշինյանն ասաց, որ մամուլում բազմաթիվ են հրապարակումները, որ երկրները կորոնավիրուսի իրական թվերը չեն հայտնում։ «Ես կարող եմ պաշտոնապես ասել, որ Հայաստանի Հանրապետությունը այդ երկրների թվին չի պատկանում», – ասաց վարչապետը:
Փաշինյանը վերջում նշեց, որ ռազմավարական առումով կառավարությունն ամեն ինչ ճիշտ է արել ու բարի երթ մաղթեց ԱԺ-ում ստեղծված քննիչ հանձնաժողովին՝ կորոնավիրուսի հարցով։