Այսօր՝ խորհրդարանական ճեպազրույցների ժամանակ իշխող խմբակցության անդամներն անդրադարձան նաև նախագահի պաշտոնում թեկնածուներ ունենալու մասին հարցին։
Պատգամավոր Գևորգ Պապոյանը նշեց, որ այս պահին Հայաստանը փաստացի նախագահ ունի․ Արմեն Սարգսյանը կարող է 5-6 օրվա ընթացքում հետ վերցնել դիմումը ու նման իրավիճակում ժամանակավրեպ է նոր թեկնածուի հարցը քննարկելը։
ՔՊ-ական Վահագն Հովակիմյանն էլ ասաց, որ քանի նախագահը հնարավորություն ունի դիմումը հետ վերցնելու, նոր թեկնածուի հարցը պաշտոնական մակարդակով քննարկելը ճիշտ չէ նախագահի ինստիտուտի նկատմամբ: