ԱԺ ընդդիմադիր «Հայաստան» խմբակցությունը մտադիր է նախագահի թեկնածու առաջադրել։
Այս մասին այսօր Խորհրդարանում՝ ճեպազրույցների ժամանակ, ասաց խմբակցության քարտուղար Արծվիկ Մինասյանը։
Նա նշեց, որ առաջիկայում իրենք կներկայացնեն իրենց թեկնածուին՝ իր հիմնավորումներով։ Նրա խոսքով՝ թեկնածուն չպետք է լինի կուսակցական։
Մինասյանն ասաց նաև, որ նախագահի իրենց չափանիշները կներկայացնեն առաջիկայում, իսկ հիմա քննարկման փուլում են։