Ամերիկյան Չիկագո քաղաքի մոտ շքերթի ժամանակ տեղի ունեցած զանգվածային հրաձգության զոհն է դարձել 7 մարդ։ Այս մասին տեղեկացրել է CNN-ը:
Հանցագործը հրացանից կրակ է բացել Հայլենդ Պարկ փոքր քաղաքում անցկացված շքերթի մասնակիցների և հանդիսատեսի ուղղությամբ: 5 մարդ մահկանացուն կնքել է տեղում, ևս 2-ը մահացել են հիվանդանոցում:
Հրաձգություն իրականացնելու կասկածանքով 22-ամյա տեղացի է ձերբակալվել: Նրա արարքի շարժառիթները հայտնի չեն: