Ապրիլի 11-14-ը աշխատանքային այցով Աշխաբադ է ժամանել Հայաստանի Հանրապետության վարչապետի խորհրդական Արտաշես Թումանյանը։
Այս մասին տեղեկանում ենք Թուրքմենիստանում ՀՀ դեսպանության Facebook-ի էջից։
- Ռուսաստանը և Հայաստանը պայմանավորվել են ստեղծել ներդրումային նախագծերի համատեղ պորտֆել
- 70 միլիոնն ուղղվելու է փոքր ու միջին ձեռնարկությունների արտոնյալ պայմաններով վարկավորմանը
«Այցի շրջանակներում Ա. Թումանյանը հանդիպումներ է ունեցել Թուրքմենստանի փոխվարչապետ, ԱԳ նախարար Ռաշիդ Մերեդովի, նավթագազային ոլորտը համակարգող փոխվարչապետ, ՀՀ և Թուրքմենստանի միջև տնտեսական համագործակցության միջկառավարական հանձնաժողովի համանախագահ Շահըմ Աբդռահմանովի, արդյունաբերական և էներգետիկ համալիրների հարցերով փոխվարչապետ Չառըմըրատ Պուրչեկովի և «Թուրքմենգազ» պետական կոնցեռնի նախագահ Բատըր Ամանովի հետ։
Հանդիպումների ընթացքում քննարկվել է երկկողմ և տարածաշրջանային տնտեսական համագործակցությանն առնչվող հարցերի լայն շրջանակ», – ասված է հաղորդագրության մեջ։
