ՀՀ պաշտպանության նախարարությունից հայտարարել են, որ ՊՆ-ն չի նախատեսում մեր Զինված ուժերի մասնակցությունը NATO-ի «Defender Europe 21» զորավարժությանը:
«Չնայած ավելի վաղ արված պաշտոնական պարզաբանմանը, ի պատասխան հարցումների, որոնք շարունակում են ստացվել լրատվամիջոցներից, ևս մեկ անգամ նշում ենք, որ ՀՀ պաշտպանության նախարարությունը չի նախատեսում ՀՀ զինված ուժերի ստորաբաժանումների մասնակցությունը ՆԱՏՕ-ի «Defender Europe 21» զորավարժությանը», – ասված է ՊՆ-ի հայտարարությունում։
Նշենք, որ այս զորավարժությունը բավական մասշտաբային է ու անցկացվում է մայիս-հունիս ամիսներին։ Դրան մասնակցող զինվորականների թիվը կարող է հասնել մոտ 30 հազարի։