ՀԵԼՍԻՆԿԻ (Ազատ TV) – Ֆինլանդիան ամրապնդում է իր պատրաստությունը Ռուսաստանի հետ ունեցած 1350 կմ երկարությամբ սահմանի երկայնքով՝ զորակոչիկներին մարզելով որպես փորձառու հրաձիգներ, ովքեր ի վիճակի կլինեն արձագանքել սպառնալիքների լայն շրջանակին, ներառյալ հիբրիդային պատերազմի մարտավարությունները և լայնածավալ ներխուժումը։ Այս ռազմավարական փոփոխությունը շեշտում է Ֆինլանդիայի վաղեմի հանձնառությունը՝ պաշտպանելու իր տարածքային ամբողջականությունը և զսպելու ռուսական ագրեսիան։
Սահմանապահները մանրամասնորեն վերլուծում են բոլոր հնարավոր սցարիները, որոնք կարող են զարգանալ արևելյան սահմանագծում։ Դրանք ներառում են հիբրիդային պատերազմի բարդ մարտավարություններ, ինչպիսիք են GPS-ի խափանումը, անօդաչու թռչող սարքերի ներխուժումը կամ միգրանտների զինված օգտագործումը։ Ինչպես Euronews-ին է պատմել ֆին սահմանապահ Միկկո Լեհմուսը, նպատակն է զորակոչիկներին պատրաստել «լայնածավալ պատերազմի, եթե անհրաժեշտ լինի»։ Ռուսաստանի ռազմածովային նավատորմի հիմնական բազայի՝ Մուրմանսկի մոտիկությունը ֆիննական սահմանին (մոտ 150-200 կմ հեռավորության վրա) այս պաշտպանական նախապատրաստություններին հաղորդում է զգալի ռազմավարական նշանակություն։
Աղբյուրը նշում է, որ 2023 թվականին Ռուսաստանը, հիբրիդային պատերազմի շրջանակներում, փորձել է քաղաքացիական միգրանտներ ուղարկել Ֆինլանդիայի սահմանով՝ նպատակ ունենալով ցանել պառակտում և խառնաշփոթ Ուկրաինայի դաշնակիցների շրջանում։ Նման մարտավարություններ են գրանցվել նաև Եվրոպայի այլ սահմաններին, մասնավորապես Լեհաստանում, Լատվիայում և Լիտվայում, որտեղ հարյուրավոր միգրանտներ, ներառյալ ընտանիքներ՝ փոքր երեխաներով, փորձել են հատել սահմանը Ռուսաստանի դաշնակից Բելառուսից։ 2023 թվականի նոյեմբերին Ֆինլանդիան մշտապես փակել է Ռուսաստանի հետ իր 1350 կմ երկարությամբ սահմանը՝ ի պատասխան Մոսկվայի՝ ֆիննական տարածք միգրանտներ ուղարկելու փորձերի։ Հելսինկին նաև դադարեցրել է ապաստան հայցողների ընդունելությունը։