Ֆաբրիս Ֆրանկ Անրին, ով հայտնի է որպես GUTS, ֆրանսիացի պրոդյուսեր և DJ է։ Իր գործերում նա հիմնականում համադրում է ջազի, սոուլի և հիփ-հոփի հնչյունները և տարրերը։
80-ականներից սկսած՝ նա իր ժամանակի մեծ մասը տրամադրում էր հիփ-հոփի ուսումնասիրություններին և կատարյալ հնչյունը՝ բիթը, գտնելուն։
Երկար տարիներ երաժշտության աշխարհի մի մասը լինելով՝ նա հասել է մեծ բարձրունքների և ստեղծել ինքնատիպ երաժշտական համադրություններ։
Նրա գործերում նաև մեծ ազդեցություններ կան աֆրիկյան և ջամայական երաժշտություններից՝ այդ երկու վայրերում որոշ ժամանակ աշխատելու արդյունքում։
Friends
Նրա ամենամեղմ և խաղաղության զգացողություն պատճառող գործերից է Friends -ը։ Երգը Eternal (Deluxe Edition) ալբոմից է: Թողարկվել է 2017-ին։ Այն հիմնականում ջազային է, նաև ներկա են փոփից և սոուլից որոշ էլեմենտներ։
Laissez Lucie Faire
Այս գործը Paradise for All ալբոմից է և թողարկվել է 2011-ին։ Այն իր մեջ կրում է աֆրիկյան մոտիվներ, բայց հիմնականում էլեկտրոյի և հիփ-հոփի խառնուրդ է։ Այն ընդամենը մի քանի բառ է պարունակում իր մեջ.
Lucifer, oh Lucifer
God of Evil
You’re the God oh Hate.
(Լյուցիֆեր, ահ Լյուցիֆեր
Չարի Աստված,
Դու ատելություն Աստվածն ես)
Դժվար է ասել, թե երաժիշտը իմաստային ինչ է ուզեցել փոխանցել այս գործով, բայց կարևորությունը նրանում է, որ յուրաքանչյուրս մեկնաբանենք գործը յուրովի։
Come Closer
Come Closer-ը (ավելի մոտ արի) նույնպես Paradise for All ալբոմից է և թողարկվել է 2011-ին։
Այն վերցված է 1984 թ.ի «Երդում» (Kasam Paida Karne Wale Ki) հնդկական բոլիվուդյան ֆիլմից: Ֆիլմում երգը կատարում է պակիստանյան երգչուհի Սալմա Աղան։
Այն հնչունային նմանություններ ունի Laissez Lucie Faire-ի հետ։ Այստեղ օգտագործված միակ բառերը Come Closer-ն է և երգը տրամադրություն է ստեղծում ի շնորհիվ իր անսովոր համադրությունների և բիթերի։
Այն հիփ-հոփի, էլեկտրոյի և հնդկական երաժշտական հնչյունների խառնուրդ է։
Guts-ի երաժշտությունը իր մեջ բազմաթիվ տարրեր, ազդեցություններ և ոճեր է պարունակում։ Այն նորարական է, տարբերվող և բոլոր սահմանումներից դուրս։
Աննա Մարտիրոսյան