Անգլիայի Պրեմիեր Լիգայի 17-րդ տուրում «Մանչեսթեր Սիթին» 7-0 հաշվով ջախջախեց «Լիդսին», որի արդյունքում թիմի մարզիչ Պեպ Գվարդիոլան սահմանեց ռեկորդ։
Այս մասին հայտնում է B/R Football-ը։
Բանն այն է, որ «Սիթին» Գվարիոլայի գլխավորությամբ արդեն 506 գնդակ է հեղինակել ու դրա համար իսպանացուն անհրաժեշտ է եղել ընդամենը 207 հանդիպում։ Այսպիսով՝ Գվարդիոլային հաջողվել է ռեկորդային քիչ խաղերի քանակով հատել 500 գոլի սահմանը։
Նշվում է, որ մինչ այս ռեկորդը պատկանում էր «Լիվերպուլի» մարզիչ Յուրգեն Կլոպին, որի գլխավորությամբ թիմը 500 գնդակի սահմանը հատել էր 234 խաղում։